 |
| 市中心一隅，教堂隨處可見 |
我得以承認我係一個好懶既人，如果唔係近期播放既電視節目
退休地圖，我都唔知幾時會的起心肝去寫呢篇馬耳他。
當大部份香港人去歐洲就諗住去倫敦，巴黎，羅馬.... 呢類大國大城時，我就一反常態去一個對香港人陌生既國度，一來滿足人無我有既心態，二來曾經聽過曹生講過小國寡民呢四個字，所以想親身感受下小國寡民係乜野一回事。
終於玩完七日突尼西亞，本來想再坐船去馬耳他，但猶記得由西西里出發到突尼斯果一程船既 12 個鐘有幾難捱時，最後決定忍痛買一張突尼斯到馬耳他既單程機票，盛惠 80 大歐。
 |
| 人都未落哂，行李已經被車走 |
由於馬耳他實在係一個悠閒王國，所以當飛地到步時，尾班巴士已經開走，要出市中心有兩個方法，一係搭的士，唔係就行出去。所以最後我選擇機場過夜，到第二朝 6 點零鐘就可以坐巴士出市中心。
由於網上搵到相關旅行資料極為零碎，唯有去到市中心再去旅遊中心搵資料。歐洲基本上係一個好大既悠閒王國，作息有時，所以旅遊中心要 09:30 先開門，如何打發呢兩個幾鐘呢？就係去老麥食一個早餐然後就 HEA 到夠鐘。好不容易等到旅遊中心開門，指定動作就一定去拎免費地圖，問定必觀光點同行程建議，再整理一下就開始行程。但首先要將個大背囊卸低先玩得，所以第一站就去住宿先,順便睇睇咩環境。
 |
| 晨早市中心廣場，無諗過咁多人 |
馬耳他既公共交通一係巴士，一係的士。除非你好有錢，唔係都只係搭巴士來往各地。根據旅遊中心介紹同旅遊地圖顯示，呢度有個汽車博物館，市中心有個教堂，有一間 playmobile 工廠，另外仲有個島叫 GOZO，果度有個藍洞同埋一個風化石景好睇，經過一輪亂排後，首先去睇汽車博物館，然後再行市中心，之後果日就去 playmobile 廠同埋去 GOZO 島，望落個行程都算 OK 悠閒。
 |
| 呢架就係由機場出市中心既巴士，車開緊都唔駛關頭閘，正呀 |
當起程去汽車博物館時，諗住幾個站既路程會好快到，誰不知呢度既巴士行駛速度簡直同悠閒王國呢四個字十分匹配，個個司機都係慢慢開閘，慢慢找錢 (係呀，仲係人肉找續架)，慢慢閂閘同慢慢開車，而車速普遍維持 30-40 KPH，所以雖然只係幾個站既距離，但就足足搭成半個幾鐘先到目的地，你都咪話唔誇張。
 |
| 巴士迷至愛 |
馬耳他，以至地中海唯一汽車博物館，門面細細，以為裡面都係豆潤咁細。買過入場劵後放眼入去，原來都有好多車展出，好多都係好經典同有故事既車。我諗我都係第一個到步馬耳他第一時間去睇汽車博物館既人。
 |
| 紅色電話亭，係咪好熟口面呢？ |
 |
| 汽車博物館正門 |
 |
| 行近就見到迷你車既招牌 |
 |
| 場館原來比想像中大 |
 |
| FIAT 500 仔列陣 |
其實除汽車博物館，馬耳他首都既巴士總站其實已經係另一個汽車博物館，仲要係一個活生生，行得走得，上得去坐既古董巴士博物館，只要你比 0.7 歐就可以坐一轉活化石既古董巴士啦。但觀乎電視播放既畫面，2017 年既馬耳他已經唔見哂呢批古董巴士，取而代之係來自鄰近地區既金龍客車。
 |
| 由英國車變成金龍客車，總係有點失落感 |
馬耳他，佢既官網係咁介紹自己：地中海唯一英語國家，唯一右軚駕駛國家，唯一咩咩國家... 無論佢點介紹，撞口撞面都係令人懷念英式情懷，例如紅色電話亭，紅色郵筒，右軚車等... 其實我有一剎那定居馬耳他既念頭。
悠閒地，又搭半個幾鐘巴士返市中心，然後再轉另一架巴士返民宿，前前後後搭成粒幾鐘車，而距離只係講梗幾公里範圍而已。
既然話馬耳他既古董巴士係另一博物館，出多幾張當地影到既巴士相，巴士迷認得幾多部？
